Síðastliðinn laugardag voru veittar viðurkenningar og verðlaun fyrir góðan árangur í stærðfræðikeppni Fjölbrautaskóla Vesturlands. Þetta er í tólfta sinn sem þessi keppni er haldin fyrir nemendur 8., 9. og 10 bekkja grunnskólanna á Vesturlandi. Alls tóku 93 nemendur þátt í keppninni að þessu sinni. Keppnin fer einnig fram í mörgum öðrum fjölbrautaskólum landsins.
Úrslit keppninnar eru okkur sérstakt gleðiefni að þessu sinni því nemendur okkar náðu frábærum árangri. Í 8. bekk deildu þau Filippia Svava Gautadóttir og Valur Örn Vífilsson, þriðja sætinu, í 9. bekk varð Þorkell Már Einarsson í fyrsta sæti og í 10. bekk varð A. Gabriel Guðfinnsson, í fyrsta sæti og Telma Dögg Pálsdóttir í öðru sæti.
Að þessu sinni tóku 17 nemendur úr Grunnskólanum í Borgarnesi þátt í keppninni. Átta nemendur lentu í efstu 10 sætum sins árgangs. Þetta voru A. Gabriel Guðfinnsson,
Telma Dögg Pálsdóttir, Þorkell Már Einarsson, Guðný Hulda Valdimarsdóttir, Hulda Rún Finnbogadóttir, Lára Helgadóttir, Filippia Svava Gautadóttir og Valur Örn Vífilsson. Við óskum þeim og foreldrum þeirra hjartanlega til hamingju með árangurinn.