18. apríl 2012 02:44

Frí

Á morgun er sumardagurinn fyrsti og þá er frí í skólanum. Daginn eftir er vetrarfrí og það er skrýtið því þá er komið sumar.

Þórey Lilja og Vildís Ásta, fréttamenn

16. janúar 2012 01:47

Jólin í skólanum

Við   fórum í Jólaútvarpið til að syngja tvö lög og fara með vísur um jólasveina. Það var gaman.

Svo voru Litlu jólin í skólanum og við fórum með vinabekknum okkar í íþróttahúsi. Þar horfðum við á leikrit og dönsuðum í kringum jólatréð. Síðan kom jólafrí.                                                           

Almar Orri og Hrafnkell Heiðarr, fréttamenn

27. nóvember 2011 10:25

Heimsókn í leikskóla

Í síðustu viku fórum við í heimsókn í leikskólana í Borgarnesi.  Við fórum til að skoða okkur um og hitta  krakkana og leikskólakonurnar Við  lékum  okkur  inni og úti. Þetta var skemmtilegur dagur.

Margrét Rós og Ólöf Inga, fréttamenn.

2. nóvember 2011 11:30

Heimsóknir

 Birna Hlín er farin í frí til þess að eignast barnið en samt kom hún í heimsókn til okkar í dag.

Í dag komu  líka tvær fullorðnar stelpur sem eru að læra að verða kennarar til okkar. Þær verða hjá okkur þessa viku.

Stefan og Arnrún Kolfinna, fréttamenn í 1. RKE

20. október 2011 12:07

Samvinna

 Í síðustu viku vorum við í verkefni um haustið. Krakkarnir í 9. bekk hjálpuðu okkur að vinna í tölvustofunni og svo fengum við að fara í skólaleiki í tölvustofunni.

Kristján Hjörvar og Bjartmar Áki, Fréttamenn í 1. RKE

12. október 2011 04:30

Norræna skólahlaupið

Í þessari viku var Norræna skólahlaupið. Við fórum að hlaupa og hlupum frá fótboltavellinum og framhjá Bjössaróló, niður á Borgarbraut og aftur á íþróttavöllinn. Við fórum í stórfiskaleik á eftir. Þetta var gaman og skemmtilegt.

Dagur og Viktoría, fréttamenn í 1. RKE