30. mars 2012 02:30

Árshátíð og þemavika

Við hittum vinabekkinn okkar í þemavikunni fyrir árshátíðina og undir myndir má sjá nokkrar myndir af því.Við fórum niður í Skallagrímsgarð í leiki. En því miður komust þau ekki sund með okkur. Hafragrauturinn var ljúffengur eins og sjá má á myndunum. Eins eru myndir af generalprufunni fyrir árshátíðina.  

18. nóvember 2011 01:47

Dagur íslenskrar tungu

 Miðvikudaginn 16. október fóru nemendur 4. bekkjar í heimsókn á leikskólana í Borgarnesi. Einn hópur fór á Klettaborg og annar á Ugluklett. Þau voru með skemmtilegar bækur í farteskinu og lásu fyrir leikskólabörnin. Þetta var mjög skemmtileg heimsókn og allir stóðu sig vel í lestrinum. Það eru myndir frá heimsóknunum á myndasíðunni okkar.

8. nóvember 2011 01:13

Heimsókn í baðstofu og vinabekkir

 Á föstudaginn síðasta fórum við í Safnahúsið og skoðuðum baðstofuna. Við erum að vinna með Ísland áður fyrr í samfélagsfræði og íslensku. Við kynntum okkur gamla tímann og gamla muni.

 

Í dag er forvarnardagur gegn einelti og við hittum vinabekkinn okkar. Við fórum út í Óðal og fórum í leik og hjálpuðumst að gera lítinn pappírsfrosk.

29. maí 2011 11:39

Nýjar myndir

Það hefur verið  nóg að gera hjá 3. bekk í maí. Við fórum í vorferð á Grábók og gengum upp í miklu roki  en fukum sem betur fer ekki niður. Síðan fórum við í sund á Varmalandi og enduðum á því að heimsækja gróðurhúsin að Laugalandi. Mjög skemmtileg ferð.

 

1.-3. bekkur héldu vorhátíð í Skallagrímsgarði fyrir fjölskyldur sínar. Þar var mikið sungið og leikið. 3. bekkur söng  margföldunartöflunartöflur. Fyrst sungu þau 3x töfluna á íslensku og síðan 1x töfluna á dönsku.

 

Síðasta skóladag gengum við upp á Sólbakka og fórum í heimsókn í Eðalfisk. Þar fengum við mjög góðar móttökur og fengum að sjá allt framleiðsluferlið. Að sjálfsögðu fengum við að smakka rosalega góðan reyktan og grafinn lax. Í hádegismat fengum við grillaða hamborgara í boði foreldrafulltrúanna í bekknum.

2. febrúar 2011 02:45

Himingeimurinn

Við erum búin að vera vinna með himingeiminn í 3. bekk. Nemendurnir hafa búið til flottar plánetur, teiknað og litað sólkerfið og unnið ýmis verkefni. Afraksturinn er hægt að sjá á myndunum í myndaalbúminu. Eins eru myndir fá bangs-og vasaljósadeginum.  

29. september 2010 02:28

Nýjar myndir

Það eru komnar nýjar myndir inn á síðuna okkar. Anna Dóra var dugleg að taka myndir að bátasmiðunum og sjósetningunni af bátunum. Við hittum vinabekkinn okkar og tókum nokkrar myndir þá. Síðan buðum við Kristjáni skjólastjóra á kynningu á verkefninu mitt og þitt hlutverk.  

25. maí 2010 02:53

Lambaferð

Á varðstöðinni

Síðast liðinn föstudag fórum við í heimsókn í fjárhúsin til Jóns Steinars og fjölskyldu. Við löbbuðum frá skólanum og fengum okkur nesti í litlum lundi við Þórðargötuna. Gönguferðin í fjárhúsin tóku um klukkutíma. Guðbjörg tók á móti okkur í fjárhúsunum og við skoðuðum lömbin, ærnar og hrútana. Það var líka gamall og góður traktor á túninu sem hægt var að "prufu keyra". Við fegnum safa og kex hjá Guðbjörgu og sýndi hún okkur leifar frá stríðinu. Það voru leifar af gamalli varðstöð. Þar sem hermennirnir stóðu á verði og fylgdust með umferðinni.  Heimferðin tók aðeins lengri tíma, enda mjög gott veður og allir tóku því rólega og nutu veðurblíðunnar.

20. maí 2010 02:45

Vorferð í Hafnarskóg

Miðvikudaginn 19. maí fór 2. bekkur í vorferð í Hafnarskóg. Byrjuðum við á því að setja upp ratleik og fá okkur nesti. Síðan var farið í ratleik, feluleik og ein krónu.  Við fórum svo í fjöruna og enduðu flestir á því að fara í fótabað upp á læri!! Mjög skemmtilegur dagur og allir glaðir.

Leiksýning

Reiðhjólahjálmar