Á hverjum föstudegi fer fram dansnámskeið fyrir miðstigið, 4, 5 og 6 bekk í Óðali. Danskennarinn heitir Eva Karen Þórðardóttir. Hún er mjög skemmtileg. Hún kennir okkur samkvæmisdans, Jive, cha - cha - cha, dans ársins o.fl. Nokkrir strákar úr 6. bekk voru mjög feimnir að dansa við stelpurnar og stelpurnar voru feimnar við að dansa við strákana.
Í fyrsta danstímanum, föstudag, 5. mars 2010 var krökkunum raðað í stærðarraðir, stelpur öðru megin, strákar hinum megin. Svo setti Eva Karen þá sem voru svipaðir á hæð, saman. Fyrst kenndi Eva strákunum að dansa cha - cha - cha á meðan stelpurnar biðu, og síðan kenndi hún stelpunum á meðan strákarnir biðu. Næsti tími, var fimmtudaginn 11. mars 2010. Þá áttu stelpurnar að velja strák til að dansa við. Svo áttu strákar að velja stelpu til að dansa við. Að lokum fóru allir krakkarnir í töluleik, þá er spiluð tónlist og þegar Eva stoppar tónlistina, segir hún t.d. ,,núll!" Þá setjast krakkarnir á gólfið og sá sem síðastur er, dettur út. En þegar hún segir ,,einn!" rétta krakkarnir upp báðar hendurnar og sá sem er síðastur, dettur út. En þegar hún segir: 1, 2, 3, 4, 5 og fleiri tölur, fara krakkarnir saman í hópa, ef hún segir ,,tveir!" fara tveir saman í hóp, þannig er leikurinn. Það er mjög gaman að dansa og læra ýmsa dansa. En eftir dansnámskeiðið fer fram sýning í íþróttamiðstöðinni og við dönsum alla dansana sem við vorum að læra á námskeiðinu.
Kristín Birta Ólafsdóttir