9. desember 2008 09:30

Jólafrí

Nú fer senn að líða að jólafríi.  Tómstundaskólinn verður opinn 22., 29., og 30. desember og 2. janúar frá kl. 08.00 – 17.00 ef næg þátttaka verður.  Föstudaginn 19. desember verður opnað strax að lokinni jólaskemmtun.  Vinsamlegast látið vita hvort og/eða hvenær barnið verður í Tómstundaskólanum fyrir  föstudaginn 12. desember.

9. desember 2008 09:29

Opið hús

Fimmtudaginn 11. desemberverður opið hús í Tómstundaskólanum frá kl. 14.00- 17.00.  Boðið verður upp á piparkökur, sem börnin hafa bakað, og kakaó. Þá verða verkefni barnanna til sýnis.   Síðustu vikur hafa þau verðið að vinna með steypt gifs og  pappír.  Þeir sem ekki hafa börnin sín í vistun þennan dag eru að sjálfsögðu hvattir til að kíkja í heimsókn.

15. maí 2008 09:06

Sumarstarf Tómstundaskólans fyrir 1.-7. bekk

Tómstundaskólinn í Borgarnesi verður opinn í sumar frá 1. – 20. júní, frá kl. 08.00 til 17.00 virka daga. Boðið veður upp á fjölbreytt og skemmtileg viðfangsefni fyrir nemendur í 1. – 4. bekk auk þess sem fjölbreytt námskeið verða í boði fyrir nemendur í 5. - 7. bekk.

Sjá auglýsingu

Sumarsmiðjur 2008 fyrir börn í 1. - 4. bekk.

Sumarsmiðjur 2008 fyrir börn í 4. - 7. bekk.

Skráningarblað fyrir þá sem eru í 4. - 7. bekk.

4. maí 2008 05:18

Mjólk og Muffis

Veðrið hefur verið gott síðustu daga í Borgarnesi og hafa nemendur í Tómstundaskólanum nýtt sér það.  Í góða verðinu um daginn var ákveðið að hafa hressinguna í garðinum.  Mjólk og nýbakað  muffins klikkar ekki í sól og blíðu!!!

30. apríl 2008 10:33

Heimanámstímum lýkur

Þar sem vorhugur er kominn í nemendur og breyttar áherslur eru í kennslu nú á vordögum hefur verið ákveðið að heimanámstímum ljúki 7. maí.

                                             Takk fyrir veturinn                   Heimanámskennarar

17. apríl 2008 12:49

Vetrarfrí

Föstudaginn 25. apríl er vetrarfrí í Grunnskólanum.  Þá verður Tómstundaskólinn opinn frá kl. 07.45 til kl. 17.00.  Þeir foreldrar sem óska eftir vistun þennan dag eru vinsamlegast beðnir um að skrá barnið fyrir þriðjudaginn 22. apríl.  Skráningarblöðum má skila til umsjónarkennara eða í Tómstundaskólann.                   Við stefnum að því að fara í sundlaugina kl. 10.00.

17. apríl 2008 12:48

Dagskrá Íþróttaskólans á vordögum

Þessa dagana erum við að æfa körfubolta og höfum við fengið Pétur Sigurðsson til liðs við okkur.  Þá hefur Björn Sólmar, fótboltaþjálfari lagt okkur lið í vikunni vegna fótboltaæfinga.

Í næstu viku kemur Jóhannes Ármannsson, framkvæmdastjóri Golfklúbbs Borgarness og kynnir golfíþróttina.   Síðan kemur Þorvarður Andri Hauksson og kynnir fyrir okkur badminton.  Þá mun Írís Grönfeldt kynna okkur frjálsar íþróttir og í framhaldi verður Stubbamót í 60m hlaupi og í boltakasti.

Tímum í Íþróttaskólanum lýkur svo 16. maí með grilli, glens og gaman.

Kærar þakkir fyrir samstarfið í vetur.

Kristín Markúsdóttir, umsjónarmaður Íþróttaskólans

Gunnhildur Harðardóttir, forstöðumaður Tómstundaskólans

17. apríl 2008 12:45

Laugardagstímar

Laugardagana 19. og 26. apríl verða tímarnir í Íþróttaskólanum haldnir úti vegna íþróttamóta í íþróttahúsinu.  Foreldrar er vinsamlegast beðnir um  að klæða börnin með tilliti til veðurs. Mæting er sem fyrr í íþróttahúsinu og verður annað hvort farið upp á skólalóð eða á körfuboltavöllinn við sundlaugina.   Laugardaginn 3. maí verður haldið smámót  á gervigrasinu og er mæting í íþróttahúsinu kl. 10.30.  Þetta verður síðasti tími vetrarins

Andlitsmyndakeppni

Páskahérinn í heimsókn

Heimsókn i Geirabakarí

Tómstunda- og íþróttaskólinn

Opið í páskafríinu

Í Safnahúsinu

Starfsdagur og foreldradagur

Íþróttatímar á laugadögum

Námskeið í Tómstundaskólanum

Nýjar innritunarreglur

Þorrablót

Starfsdagar

Tómstundaskólinn opinn

Jólafrí

Skólahópur í heimsókn

Jólaundirbúningur